План тэматычнага тыдня - Метадычная капiлка

План тэматычнага тыдня «Мілагучная родная мова»

Мэта: Фарміраванне устойлівай цікавасці і станоўчых адносін да беларускай мовы, развіцце пазнавальных, моўных, творчых здольнасцей у выхаванцаў, выхаванне патрыятычных пачуццяў

Дні тыдня	Тэма дня	Тэма мерапрыемства	Мэта
Панядзелак	Па старонках роднай мовы	Моўныя размінкі. Гульня-забава «Ветлівыя словы», «Што за птушка» Гульня-віктарына «У свеце слоў» Дыдактыныя гульні «Скажы па-беларуску», «Што з чаго зроблена», «Хто дзе жыве?», Калейдаскоп вершаў на беларускай мове «Гучы-гучы роднае слова»	Паказаць прыгажосць і багацце моўнай спадчыны беларускага народа; далучаць выхаванцаў да роднай мовы, развіваць іх пазнавальныя і інтэлектуальныя магчымасці, выхоўваць цікавасць да роднай мовы, жаданне размаўляць на беларускай мове
Аўторак	Дзень беларускай казкі	Занятак «Шмат казак ёсць на свеце…» (адукацыйная галіна «Дзіця і грамадства») Чытанне беларускіх народных казак «Лёгкі хлеб», «Зайкава хатка», «Пых», «Дзедава рукавічка» і інш. Драматызацыя беларускай народнай казкі «Як Курачка Пеўніка ратавала». Квэст-гульня «Падарожжа па казках» Развіваючая гульня «Падарожжа ў казку»	Узбагачаць, пашыраць слоўнікавы запас дзяцей; развіваць у дзяцей уменне эмацыянальна ўспрымаць казку, разумець змест казачнага тэксту, замацаваць сэнс і вымаўленне беларускіх слоў, развіваць навыкі дыялагічнага маўлення ў працэсе драматызацыі казкі, выхоўваць любоў да беларускіх народных казак
Серада	Дзень малой радзімы	Заняткі (адукацыйная галіна «Дзіця і грамадства») «Беларусь – наша Радзіма», «Наша краіна», «Падарожжа ў Белавежскую пушчу», «Героі – абаронцы Беларусі» Завочнае падарожжа па роднаму гораду «Мой родны кут як ты мне мілы» Разглядванне ілюстрацый «Браслаў – мой родны горад» Прагляд мультфільма «Легенда аб Браславе» Гутаркі «Прадпрыемствы нашага горада», «Чым славіцца наша краіна», «Спартсмены-пераможцы – гонар краіны» Дыдактычныя гульні «Складзі герб і сцяг Беларусі», «Герб роднага горада», «Беларусь», «Падарожжа па горадзе»,	Паглыбляць прадстаўленні дзяцей пра сваю краіну, родны горад, фарміраваць патрыятычныя пачуцці і грамадзянскую свядомасць дзяцей, пашыраць іх веды пра гісторыю і культуру свайго горада, выхоўваць павагу да гістарычнай і культурнай спадчыны, пачуццё гонару за сваіх землякоў, выклікаць жаданне быць падобнымі да іх.


Чацвер	Дзень беларускай гульні	Забава «Падарожжа па гульнях» Беларускія народныя гульні, дыдактычныя гульні на працягу дня Гульня-занятак «Жылі-былі дзед і баба» Разглядванне малюнкаў, ілюстрацый на тэму «Беларуская цацка»	Фарміраваць інтарэс да беларускіх народных гульняў, замацоўваць уменні выконваць танцавальныя рухі і гуляць у гульні, характэрныя для беларускага народу; Знаёміць дзяцей з бедарускімі народнымі цацкамі, узбагачаць, актывізаваць і замацаваць слоўнік выхаванцаў; развіваць слыхаваю ўвагу дзяцей, выпрацоўваць хуткасць рэакцыі на слова, увагу, кемлівасць, памяць.

Пятніца	Дзень беларускай культуры	Афармленне з дзецьмі альбома «Дэкаратыўна-прыкладное мастацтва Беларусі». Гутаркі «Беларускі народны касцюм», «Беларускія святы», «Беларускія забавы», «Знаёмства з рамёствамі», Завочная экскурсія ў этнаграфічны куток «Беларуская хатка» Выяўленчае мастацтва «Беларускі рушнік» Хвілінка-весялінка «Песенькі, пацешкі, прыпеўкі» Забава «Мілагучныя матывы роднай зямлі»	Узбагачаць выхаванцаў эстэтычнымі ўражаннямі; раскрыць багацце і каларыт беларускага фальклору (песні, прыпеўкі, танцы, загадкі, прыкметы); паглыбіць веды аб прадметах вясковага побыту, прыладах працы; выхоўваць любоў і павагу да роднай мовы, нацыянальнай спадчыны.